0

Back to the start…

Já það lítur út fyrri að ég sé komin aftur á byrjunarreit…mér líður allavega þannig. Eftir allt þetta crap og þennann þvæling fram og til baka. Long story short þá er skólinn byrjaður.

Ég held ég hafi ekkert verið að fela það en ég hef ekki hlakkað neitt sérstaklega til þess en stundum eru bara ákveðinir hlutir sem maður þarf að gera og klára áður en maður kemst á næsta level….þrátt fyrir að vera komin andlega á næsta level 😉

Það góða við að vera orðin námsmaður aftur er það að vera laus undan vinnumálastofnun, mér fanst þungu fargi af mér létt þegar ég skráði mig af bótum og hætti að vera opinber atvinnuleysing. Ljúfa frelsi. Ótrúlegt hvað svona hlutur sem á að hjálpa manni getur verið heftandi og niðurdrepandi.

Svo eru það spurningarnar, spurningarnar eru endalusar, nánast daglegur viðburður og þær fá mig til þess að langa að loka mig af í pínu litlu herbergi og vera í einangrun þangað til að ég get svarað þeim öllum á fullnægjandi hátt. Ég er viss um að birnir fara í dvala að svipuðum ástæðum….svo þeir geti svarað öllum heimsins spurningum…

En já fór aðeins út fyrir efnið…SPURNINGAR

….“Hvað ertu aftur að fara læra?“ spurning sem ég fæ oft í viku og svarið er alltaf „klára stúdent svo ég komist í háskólann eða eitthvað“…og þá kemur follow-up spurning „Já ókei, hvað ætlaru að læra í háskólanum?“…..Svar:……

*scene missing*

………..

„Ég veit það ekki.“ Punktur.

…..kvikmyndafræði? Enska? Eitthvað annað tungumál?

Afhvejru þarf ég svosem að vera búin að ákveða það ég er ekki einu sinni nálægt því að geta sótt um í háskóla.

Anyways… út um allt er fullt af vel viljuðu fólki sem er með alskyns ráðleggingar og hugmyndir um hvað ég ætti að gera…….“Farðu í Listaháskólann hann er mjög skemmtilegur..“ „Lærðu eitthvað sem þú getur unnið við…“ „Ertu búin að skoða háskóla erlendis?“ „Hvaða skóla ertu búin að skoða?“…“Afhverju ferðu ekki bara í raungreinadeildina?“…hvernig er þetta hvenrig er hitt, gerðu þetta ertu búin að skoða hitt……blabla…

Hausinn á mér er á hvolfi og þetta er allt komið í einn hrærigraut. Ég veit EKKI hvað ég ætla að gera eða hvað ég verð að gera eftir ár og mér líkar það ágætlega, Takk. Ég veit að allt þetta velviljaða fólk er að reyna að vera næs og reyna að gera líf mitt auðveldara með því að benda mér á hitt og þetta en ef ég á að segja eins og er þá er það ekki að virka fyrir mig…..og svona ef við skoðum aðeins söguna….Önnu söguna það er að segja, og pælum aðeins í þessu…. hefur Anna einhvertíma gert eitthvað af því sem henni er sagt að gera? (námslega séð og já ég er farin að tala um mig í þriðju persónu..tek þetta kanski á næsta level og ver að verða Annan…uhh..nei annars)

Anna er bara að klára stúdentinn núna því það var move sem enginn bjóst við BÚ JA!

Nei annars, þetta var óhjákvæmilegur atburður…..svona af því að þetta opnar manni nokkrar dyr til viðbótar.

En nýja lífsspekin mín er að sjá hvað gerist, ég er ekki það góð með sjálfa mig að búast við því að það rúlli bara allt uppí hendurnar á mér en ég ætla að sjá hvernig atburðir þróast… fljóta með straumnum í stutta stund og sjá hvert hann fer með mig.

0

Hvernig ertu í kryppunni?

Sumarið er tíminn eða hvað? Jú mikið rétt en sumarið er ekki tíminn fyri tilvistakreppu, ég er allavega búin að vera í tilvistakreppu fríi og búin að vera að gera alskonar shit til þess að dreifa huganum annað og reyna að vera í smá tilvistakreppu fríi. Með því að fara í sjálfboðavinnu og skreppa í eina eða tvær útilegur.

En svo komst ég að því að það er í alvörunni eitthvað fólk sem les þetta blogg, mjög spennó. Ekki örvænta þið sem fylgist reglulega með ég er ekki hætt það eiga eftir að koma alskonar athugasemdir og pælingar því tilvistekreppan er langt frá því að vera á enda. Ég var búin að deila því að ég er að fara aftiur í skólann í haust og þau ykkar sem hafið gaman af væli og pirringi getið byrjað að hlakka til því það verður örugglega nóg af því í haust! Ég nenni s.s. ekki að fara aftur í Tækinskólann, en það er skynsamasti kosturinn í augnablikinu þannig að ég þarf bara að bíta á jaxlin og rumpa þessu í gegn þetta verður vonandi bara einn vetur af allt gengur að óskum.

En ég get sko sagt ykkur það að þrátt fyrir ágætis tilraunir til þess að trufla sjálfa mig og reyna að hætta að hafa áhyggjur af lífinu, þá laumast tilvistakreppan inn öðru hverju og fær mig til að gera ótrúlegustu hluti. Ég skal útksýra:

Hluti af nýju líffspekinni minni er að reyna að vera dugleg að prófa nýja hluti og byrjaði ég sumarið á því að fara í prufu köfunartíma…..Sem hljómar crazy í eyrum sumra en kanksi ekkert svo brjálæðislegt hjá öðrum. En hjá mér er þetta svoldið crazy og mér leið eins og einhverjum áhættufíkli vegna þess að ég er sjúklega vatnshrædd og hef alltaf verið. Ég get ekki synt í hvaða sundlaug sem er t.d. ég þarf að forsamþyggja sundlaugar sem ætla hugsanlega einhvertíma að synda í, þær meiga ekki vera of djúpar, þær verða að vera með flísalögðum botni eða svona gúmmí botni, ekki máluðum steinbotni, ég vil ekki synda yfir niðurföll og hellst ekki nálægt gluggunum sem eru ofaní á bakkaveggnum. Ég get ekki synt í vatni þar sem ég sé ekki botninn. En get ekki hoppað útí sjó…en ég get labbað útí sjó eins lengi og ég næ enn til botns. Núna eruð þið kanksi komin með einhverskonar mynd af vatnshræðslunni minni og skiljið kanski örlítið afhvejru það er big deal í mínum heimi að fara á kynningar köfunarnámskeið og prufa að kafa, þó að það hafi verið í sundlaug. Þetta var s.s. í Sundhöllinni og það er sundlaug sem er ekki pre approved hjá mér, hún er of djúp og ég myndi aldrei synda í henni. En ég Kafaði í henni og fór  alveg niðrá botn! Crazy Anna…ég fríkaði samt alveg út einu sinni eða tvisvar….kanksi þrisvar…hver er að telja! EN ég var með mjög indælann leiðbeinanda sem sýndi þolinmæði og kom mér í gegn um þetta. 🙂 Þetta var mjög gaman, ég náði samt varla að upplifa hversu magnað þetta var fyrr en eftirá því ég var of upptekin við að panikka hehe.

Svo fékk ég nýlega hugljómun um að labba Laugarveginn…og þá er ég ekki að tala um þennann sem er niðrí bæ 😉 Það hljómar súper útvivistalega og heilsusamlega. Það verður mission næsta sumars held ég klárlega! Ég held því fram að tilvistakreppan mín hafi fundið uppá þessu. 😉

Svona er þetta.

Annars þá er þetta sumar búið að vera allt of fljótt að líða, ég veit ekki hvað gerðist. Tíminn líður þegar það er gaman. 🙂